Լուսանկարը՝ lragir.am-ի
Վրաց-ադրբեջանական սահմանի սահմանագծման և սահմանազատման հարցերով հանձնաժողովի հերթական նիստը կկայանա հունիսի վերջին՝ Թբիլիսիում: Ինչպես նշում է apsny.ge կայքը, այս մասին լրագրողներին հայտնել է Վրաստանի արտգործնախարար Դավիթ Զալկալիանին:
Նախարարի խոսքով՝ փորձագետները մինչ այդ պետք է ծանոթանան սահմանին տիրող իրավիճակի հետ: Նա վստահություն է հայտնել, որ երկու կողմերի՝ հարցը լուծելու ցանկությունը բոլորի համար գոհացուցիչ արդյունքի կհանգեցնի:
Երկու երկրների սահմանի հարցով հանձնաժողովի առաջին նիստը տեղի է ունեցել մայիսի 23-ին և 24-ին՝ Բաքվում:
Հիշեցնենք, որ Վրաստանի և Ադրբեջանի միջև սահմանային կոնֆլիկտ է ծագել Դավիթ Գարեջի վանական համալիրի պատճառով:
