Ռուսաստանի հետ սահմանակից չինական Ֆույուան քաղաքի իշխանություններն արգելել են զբոսաշրջային խմբերի կազմում ներառված ՌԴ այն քաղաքացիների մուտքը, որոնք ծնվել են Ադրբեջանում, հայտնում է minval.az-ը:
Աղբյուրը մանրամասնում է, որ արգելքը տարածվում է նաև Ուզբեկստանում, Ղազախստանում, Ղրղզստանում, Տաջիկստանում, Դաղստանում և Թաթարստանում ծնված ՌԴ քաղաքացիների վրա:
Արգելքի սահմանումը հաստատել են ռուսական զբոսաշրջային ընկերությունները, որոնք ուղևորություններ են կազմակերպում դեպի Ֆույուան:
ՌԴ ԱԳՆ-ն բողոքի նոտա է հղել Խաբարովսկում Չինաստանի գլխավոր հյուպատոսությանը և այժմ սպասում է պատասխանի:
Չի բացառվում, որ արգելքը կապված է Չինաստանում ահաբեկչության դեմ պայքարի ուժեղացման հետ:
