Հրթիռներով զինված ամերիկյան երկու ականակիր նավ մայիսի 16-ին մուտք է գործել Պարսից ծոց, հայտնում է ԱՄՆ ռազմածովային ինստիտուտի կայքը՝ նկատելով, որ նավերի անցումը որևէ տհաճ միջադեպով չի ուղեկցվել:
Խոսքը USS McFaul (DDG-74) և USS Gonzalez (DDG-66) ռազմանավերի մասին է: Դրանք Հորմուզի նեղուցով անցել են երեկ կեսօրին և Իրանի իսլամական հեղափոխության պահապանների կորպուսի ծովային ուժերն այս առնչությամբ որևէ քայլ չեն ձեռնարկել:
Ըստ աղբյուրի` սա վկայում է այն մասին, որ Իրանի և Միացյալ Նահանգների միջև առկա լարվածությունը փոքր ինչ թուլացել է և երկու պետությունների միջև ռազմական բախման հավանականությունը մշուշոտ է դարձել:
