Կիևի դատարանը տուգանել է Ուկրաինայի նորընտիր նախագահ Վլադիմիր Զելենսկիին այն բանի համար, որ վերջինս ապրիլի 21-ին՝ նախագահական ընտրությունների երկրորդ փուլի քվեարկության օրը, լրագրողներին ցուցադրել է իր քվեաթերթիկը, որում երևացել է՝ ում օգտին է նա քվեարկել, գրում է ՏԱՍՍ գործակալությունը:
Կիևի շրջանային դատարանը Զելենսկիի քայլը վարչական խախտում է ճանաչել՝ պարզաբանելով, որ նման գործողությունները կարող են որպես ապօրինի քարոզարշավ գնահատվել:
Դատարանը Ուկրաինայի նոր նախագահի նկատմամբ 32,27 դոլարի չափով տուգանք է սահմանել, ինչպես նաև նրանից դատական տուրքերը գանձելու որոշում է կայացրել:
Հիշեցնենք, որ ընտրությունների օրը Զելենսկին քվեաթերթիկը քվեատուփի մեջ գցելուց առաջ թույլ էր տվել, որ լրագրողները քվեաթերթիկը ձեռքին լուսանկարեն իրեն, ընդ որում՝ թերթիկի վրա պարզ երևացել է, թե ում համար է նա քվեարկել, իսկ երկրի ընտրությունների մասին օրենքն արգելում է նման գործողությունը:
