Նավթի համաշխարհային գներն անկում են արձանագրել նրանից հետո, երբ ԱՄՆ նախագահ Դոնալդ Թրամփը Նավթ արտահանող երկրների կազմակերպությունից (ՕՊԵԿ) պահանջել է ավելացնել նավթի արդյունահանման ծավալներն ԱՄՆ-ի հակաիրանական պատժամիջոցների ազդեցությունը մեղմելու համար:
Ինչպես նշում է Reuters-ը, Brent նավթի գինը նվազել է մոտ 1%-ով՝ հասնելով մեկ բարելի դիմաց 71,66 դոլար ցուցանիշի:
Ամերիկյան West Texas Intermediate-ի նավթի գինը նվազել է 0,7%-ով՝ հասնելով մեկ բարելի դիմաց 62,87 դոլար ցուցանիշի:
Աղբյուրը հիշեցնում է, որ Թրամփն ապրիլի 26-ին ՕՊԵԿ-ին կոչ էր արել նվազեցնել նավթի գները:
«Բենզինի գները կնվազեն: Ես ՕՊԵԿ-ին կոչ եմ արել նվազեցնել դրանք»,-լրագրողներին հայտնել էր Թրամփը:
