Apple-ն ավելի շատ ժամացույց է վաճառել, քան Rolex-ը, Swatch-ը և շվեյցարական մյուս արտադրողները միասին

Apple-ը վերջին եռամսյակում վաճառել է ավելի շատ ժամացույց, քան ժամացույցի ողջ շվեյցարական արդյունաբերությունը՝ Rolex-ը, Omega-ն և անգամ Swatch-ն միասին վերցրած:

Այդ մասին հայտնում է Business Insider-ը՝ վկայակոչելով նոր վիճակագրական տվյալները:

Apple Watch-ի վաճառքի մասին գնահատականներ են հրապարկել ոլորտի հետազոտող Canalys և IDC ընկերությունները:

Շվեյցարական ժամացույց արտադրող ընկերությունների վաճառքի տվյալները հասանելի են Շվեյցարական ժամացույցի արդյունաբերության ֆեդերացիայի կողմից հրապարակվող առաքումների վիճակագրության միջոցով:Canalys-ի գնահատմամբ`Apple-ը 2017 թվականի վերջին եռամսյակին վաճառել է 8 միլիոն Apple Watch:

Աղբյուրը՝ tert.am