Հեղինակային երգի պրեմիերա, հայտնի աստղային հյուրեր, անվանական զարդի վաճառք․ սեպտեմբերի 12-ը դեռ երկար կհիշվի երգիչ Սևակ Խանաղյանի և նրա երգարվեստով հետաքրքրված, ԱՄՆ-ում բնակվող երկրպագուների ու հայտնի հյուրերի համար։ «Սեր» երգը հասցրել է պրեմիերայի առաջին իսկ վայրկյանից սիրվել ու ջերմորեն ընդունվել ներկաների կողմից։ Իրական պատմության վրա հիմնված տեսահոլովակն էլ անտարբեր չի թողել և ոչ մեկին։
Հայտնի հյուրերից բացի ներկաների շարքում է եղել նաև հենց այն զույգն, ում համար էլ գրվել է «Սեր» երգը. ի դեպ, սեպտմեբերի 20-ին տեղի կունենա Տաթևի ու Գրիգորի հարսանյաց արարողությունը, որի ժամանակ երգիչը կհանրայնացնի նոր երգը։
Իսկ մինչ այդ, այս միջոցառումն անցկացվել է Veranda ռեստորանային համալիրում՝ փակ ձևաչափով. ներկա են եղել միայն հրավիրյալ հայտնիներն ու հատուկ հյուրերը։ Երեկոն կազմակերպել է Grand Party ընկերությունը:
