ArenaNews.am կայքի ավանդական շարքում այս անգամ բլիցել է «FunnyMen Production»-ի եւ «Հումորի լիգա» նախագծի տնօրեն Արամ Մելիքյանը:
-Եվ այսպես Արամ, սկսեցինք,
ո՞վ է հումորի պապան, թե՞ հումորին որդեգրել են:
-Փոխնակ մորից է ծնվել))
–Ո՞ր շարքում էիք բախտ բաժանելուց:
-Ես էի բախտ բաժանում:
-Հարց, որն ամենից հաճախ են Ձեզ տալիս, բացի՝ «Արամ ջան, ո՞նց մասնակցենք «Հումորի լիգայի» նկարահանումներին:
-«Ո՞ր ֆուտբոլային ակումբին ես երկրպագում»:
–Ի՞նչ կարելի է անել արած լավության հետ, բացի երեսով տալուց:
-Շարունակել լավություն անել))
–Ի՞նչ անենք նորմալ, լուրջ նկարների տակ «հա–հա» էմոջի դնողֆեյսբուքյան ընկերներին:
-Վառեեեեենք)))
-Ինչի՞ մասին են խոսում իրար գլուխ հավաքված 3 տղամարդիկ, եթե ֆուտբոլի ու կանանց մասին թեման հենց նոր փակվել է, մեքենա էլ չունեն:
-Քաղաքականության մասին))
– 3 պատճառ, որ արժե նայել «Հումորի լիգա»:
-Ինտրիգ, նորարարություն և ֆանտաստիկ մթնոլորտ:
-Այս եթերաշրջանում Ձեր ֆավորիտը:
-Հեթ-տրիկ:
-Ձեր լսած ամենատափակ անեկդոտը:
-Վերջին անգամ երևի մի 15 տարի առաջ եմ անեկդոտ լսել:
-Խորոված անողների թե՞ անողներին նայողների շարքերում եք:
-Երկուսում էլ:
-Ու՞մ ստենդ ափի ժամանակ արժե փոխել ալիքը:
-Ծյուշի)))
-Ի՞նչ անել, եթե մեքենայի շարժիչից յուղ է կաթում:
-Արագ թավա դնել, ժարիտ սարքել))
–Որտե՞ղ են ապրում ամենահումորով մարդիկ:
-Ախալքալաքում:
-«Կաշի տոն»-ի և տենորի տարբերությունները:
-Բարիտոնից ու տենորից հետո գալիս ա սոպրանոն ու կա լիրի սոպրանո, կաշի տոնի ու տոների տարբերությունն էլ բարիտոնն ա:
-Արամ, Դուք էլ որպես հանդիսավար ներկայանում եք, Թամադա թիմից մրցակից ունե՞ք:
-Ես եմ իրենց շուկա բերել)))
–Կնոջ տգեղը լինու՞մ է:
-Ինձ համար ոչ:
–Առանց հումորի զգացումի մարդուց վատ բան, մեկ էլ…
-«Արսենալ» ֆուտբոլային ակումբ չսիրողն է:
-Ո՞ր դեպքում եք թողնում, որ հաշիվը կինը փակի:
-Երբ որ փողը ես եմ տվել իրեն:
-Եվ վերջում՝ Հայաստանում հաջողության հասնելու համար, անհրաժեշտ է…
-Մեծ, ահավոր մեծ աշխատասիրություն: