Ինչպես արդեն տեղեկացրել ենք աշխարհահռչակ դերասան, «Տաքսի» ֆիլմաշարի գլխավոր դերակատար Սամի Նասերին օրերս կժամանի Երևան: Այցի նպատակը, դերասանի գրաֆիկն ու այլ մանրամասներ պրոդյուսեր Լուիզա Ավթանդիլյանն առաջինը վստահել է ArenaNews.am կայքին:
Եվ այսպես, հայուհի Լուիզան, ով տևական ժամանակ է ապրում և աշխատում է Մոսկվայում՝ սեփական կլինիկայում՝ Smile Studio-ում, արդեն 3 տարի է, ինչ մտերմություն է անում Սամիի հետ: Դերասանը գրեթե մեկ տարի է ապրում է Ռուսաստանում, որտեղ պատրաստվում է նկարահանվել նոր, գանգստերների մասին պատմող կրիմինալ դրամայում:
Լուիզան դերասանի միակ հայ ընկերը չէ. «Սամին մեր ընտանիքի լավ բարեկամն է, շատ է սիրում Հայաստանը, ունի շատ հայ ընկերներ, որոնցից մեկն էլ Շառլ Ազնավուրն էր»,-պատմում է Լուիզան ու հավելում, որ թեպետ այցը կազմակերպելու գաղափարն իրենն է, բայց Սամին անմիջապես համաձայնել ու մեծ ոգևորությամբ է ընդունել Հայաստանը տեսնելու առաջարկը. «Բացի այդ, մենք ունենք ֆիլմ Հայաստանի մասին, որը կոչվում է «Փոքր Հայաստան». կցանկանայինք, որ այն նկարահնվեր մեր երկրում»,-հավելում է Լուիզան:
Դերասանն ու իր թիմը Հայաստանում կանցկացնեն 3 օր. Պրոդյուսերը շտապում է ուրախացնել դերասանի երկրպագուներին՝ Սամին բաց է լինելու երկրպագուների հետ շփման հարցում. «Յուրաքանչյուրն էլ կարող է գալ ու անձնապես խոսել իր հետ՝ ասուլիսից հետո Երևանի ցանկացած վայրում, եթե հետևեն մեր զբոսանքներին»,-ասում է Լուիզան:
Ի դեպ, Սամին իր ոգևորությամբ նախորդ օրերին արդեն հասցրել է կիսվել ինստագրամում:
Հիշեցնենք, որ դերասանն ու իր թիմը Հայաստան ժամանեն փետրվարի 23-ին և կմնան մինչև փետրվարի 25-ը: Փետրվարի 24-ին ներկա կլինեն «Mix Fight 40» -ի մարտերին՝ K -1- ի աջակցությամբ: