Թուրքիայի Ստամբուլ քաղաքի Մշակույթի և Արվեստների հիմնադրամը կազմակերպել է բիենալե, որը տեղի է ունենալու սեպտեմբերի 5-ից մինչև նոյեմբերի 1-ը: Պաշտոնական տվյալներով բիենալեին մասնակից են 13 հայ արվեստագետներ: Այստեղ առաջին անգամ ներայացվել են այնպիսի արվեստի գործեր, որոնք արծարծում են Հայոց ցեղասպանության հետ կապված հարցեր:
Հայոց ցեղասպանության մասին պատմող ֆիլմը ներկայացվելու է Ստամբուլի բիենալեում հոկտեմբերի 30-ին: Այն ցեղասպանության մասին պատմող առաջին ֆիլմն է, որ նկարվել է Թուրքիայում, ռեժիսորներն են ազգությամբ թուրք Էլա Ալյամաջը և թուրքահայ Արեն Փերդեջին: Ֆիլմը կոչվում է <<Կորուսյալ թռչուններ>, որում գլխավոր հերոսները քույր ու եղբայր են, և հենց նրանց աչքերով է ներկայացվում 100 տարի առաջ տեղի ունեցած ողբերգությունը: Չնայած այդ վայրագություններին` նրանք շարունակում են մնալ իրենց նախնյաց հողում: Գլխավոր կերպարները կերտած դերասանները ևս հայ և թուրք են՝ Հերոս Հակոբյանը և Դիլա Ուլուջանը, ֆիլմում նկարահանվել են նաև Թուրքիայում ապրող հայեր:
Սա անշուշտ առաջընթաց քայլ է՝ թուրք հասարակությանը լուսավորելու գործընթացում, և, ինչու ոչ, մշակութային փոխհարաբերությունների սկզբնավորման գործում:
Եղեռնի մասին առաջին ֆիլմը՝ <<Հոգիների աճուրդը> նկարահանվել է 1919թ. Հոլիվուդում: Ցեղասպանության թեմային անդրադարձած ֆիլմեր են << Ամերիկա, Ամերիկա>>, <<Արարատը>>, <<Մայրիկ>>, <<Արտույտների ագարակը>>…
ԱՐՓԻ
