Հուսով եմ՝ ոչ ոք չի մտածի Ռուսաստանի հետ հարաբերություններում «կարմիր գիծն» անցնելու մասին. իսկ թե որտեղով այն կանցնի, Մոսկվան ինքը կորոշի կոնկրետ դեպքերի համար: Այս մասին ՌԴ նախագահ Վլադիմիր Պուտինն ասել է Դաշնային ժողովին ուղղված իր ուղերձում:
«Մենք ուզում ենք բարելավել հարաբերությունները նույնիսկ նրանց հետ, ում հետ դրանք լավ չեն: Մենք չենք ուզում կամուրջներ այրել: Բայց եթե ինչ-որ մեկը ընկալում է մեր մտադրությունները որպես թուլություն և ցանկանում է ինքը պայթեցնել այդ կամուրջները, ապա նա պետք է իմանա, որ պատասխանը կլինի արագ, ասիմետրիկ և կոշտ»,- շեշտել է նա:
