Շարժումն առաջնորդողներից և ոչ մեկը Հրապարակում չի ու իր մարմնի տարբեր հատվածները հանուն ոչ մի բանի չի սառեցնում․ Լուսինե Հակոբյան

Փաստաբան Լուսինե Հակոբյանը ֆեյսբուքյան իր էջում գրել է․ «Քիչ առաջ հրապարակով էի անցնում. ընդամենը մի քանի վրան ու վրանների թվի չափ մարդ:

Հիշեցի 96թ. սեպտեմբերի 26-ը, երբ Վազգեն Մանուկյանը չգնաց Ազգային ժողով, իսկ էնտեղ գնացած Շավարշ Քոչարյանը, Պարույր Հայրիկյանն ու էլի մի քանիսի նկատմամբ բռնություն կիրառվեց Ազգային ժողովում: Էդ տարի ես առաջին անգամ էի մասնակցում ընտրությունների, ու ընտրել էի Վազգեն Մանուկյանին, բայց ինձ համար կարևոր եղավ էն, որ ինքը չեկավ ԱԺ ու իր ընկերներին մենակ թողեց: Հիմա էլ նայում եմ ու տեսնում, որ էդ շարժումն առաջնորդողներից և ոչ մեկը Հրապարակում չի ու իր մարմնի տարբեր հատվածները հանուն ոչ մի բանի չի սառեցնում` հուսալով, որ ուրիշը կկրի էդ զրկանքներն իր փոխարեն: Էս շարժումն առաջնորդողները էն ուրիշի ձեռքով շագանակ հանողներն են, դժվար ժամանակ տուն գնացողները ու վրանում չքնողները …

Գնացեք տուն, ձեզնից հրաժարական պահանջող դուրս չի գա:

Ժողովուրդն էլ ձեր հետևից եկողը չի»,-նշել է նա։