Մայիսի 7-ին նախատեսվում է հանրահավաք Երեւանի քաղաքապետարանի դիմաց: Պահանջը քաղաքապետ Տարոն Մարգարյանի հրաժարականն է:
Ֆեյսբուք սոցիալական ցանցում բացվել է «Մերժում ենք Տարոնին» խումբ, որտեղ տեղադրված հայտարարության մեջ մասնավորապես ասվում է.«Հավաքվում ենք Երևանի քաղաքապետարանի դիմաց՝ պահանջելու Տարոն Մարգարյանի հրաժարականը։ Հավաքի ընթացքում կներկայացվի հայտարարություն-պահանջ Տարոն Մարգարյանի հրաժարականի վերաբերյալ»:
Henaran.am-ի աղբյուրը հայտնում է, որ Նիկոլ Փաշինյանը քաղաքապետի պաշտոնը խոստացել է Քաղաքացիական պայմանագիր կուսակցության վարչության անդամ, Երևանի ավագանում «Ելք» խմբակցության անդամ Ալեն Սիմոնյանին:
Հիշեցնենք, որ քաղաքապետի պաշտոնը ընտրովի է: Տարոն Մարգարյանը քաղաքապետ է վերընտրվել 2017 թվականի մայիսին:
Աղբյուրը՝ henaran.am
