Կանանց մոտ կրծքագեղձի քաղցկեղի հետազոտման նոր ուղեցույցը

The American Cancer Society-ն հանդես է եկել կրծքագեղձի քաղցկեղի հետազոտման նոր ուղեցույցով, որը նախատեսված է այն կանանց համար, ովքեր ընդհանուր առմամբ առողջ են և որևէ պատճառ չունեն կասկածելու, որ կրծքագեղի քաղցկեղով հիվանդանալու ռիսկն իրենց համար բարձր է, այսինքն ոչ միայն չկան ախտանիշեր, այլև հիվանդության գենետիկ ֆոնն է բացակայում:

Ստորև ներկայացվում են մի քանի դրույթներ ուղեցույցից:

40 տարեկանում կանայք կարող են սկսել տարեկան մամոգրաֆիա անցնել`  կրծքագեղձի քաղցկեղի առկայությունը կանխավ բացահայտելու համար: Սակայն դա պարտադիր չէ: 40 տարեկան կանանց շրջանում կրծքագեղձի քաղցկեղով հիվանդանալու ռիսկը շատ ցածր է, և նրանց միայն  1,5 % տոկոսի մոտ հնարավոր է ախտորոշվի քաղցկեղը` այն էլ 50 տարեկանի մոտ: Այսպիսով, եթե կանայք մտահոգված են, որ այս տարիքում ստուգումը կարող է ցույց տալ, թե իբր հիվանդություն չկա, բայց իրենք կասկածում են այդ տվյալների ճշմարտացիության վրա, ապա պետք է ասել, որ նրանք ավելորդ անհանգստություն են դրսևորում:

45 տարեկանում բոլոր կանայք պետք է սկսեն կրծքագեղձի տարեկան ստուգումները: 45-49 տարեկան և 50-54 տարեկան կանանց մոտ հիվանդության հանդիպման հաճախականությունը և քաղցկեղի պատճառով մահացությունների թիվը գրեթե նույնն են:

55 տարեկանում կանանց մեծ մասի մոտ տեղի ունեցող փոփոխությունների շարքին է դասվում նրանց մարմիններում  էստրոգեն և պրոգեստերոն հորմոնների արտադրության նվազումը, ինչը տանում  է կրծքագեղձի քաղցկեղի գոյացությունների  աճի դանդաղեցմանը:Այս և այդ տարիքին բնորոշ այլ փոփոխությունների արդյունքում այդ տարիքային փուլում երկու տարին մեկ անգամ մամոգրաֆիա անելը կարող է բացահայտել նույնքան քաղցկեղի դեպքեր, որքան տարին մեկ անգամ ստուգելը: Այս տարիքում կանայք կարող են ընտրել, թե ինչ հաճախականությամբ անցնեն ստուգումները, որովհետև անհրաժեշտությունը չկա տարեկան ստուգումների`ավելորդ սթրեսի և ռեսուրսների վատնման:

Այնուամենայնիվ կանայք պետք է հետևողական լինեն և պարբերաբար անցնեն ստուգումներ, մանավանդ, եթե նրանց մոտ կրծքագեղձի քաղցկեղով հիվանդանալու ռիսկը բարձր է, ապա անհրաժետ է տարեկան ստուգումներ անցնելը:

Այս մասին ավելի մանրամասն պետք է իրենց կին այցելուներին ներայացնեն ընտանեկան բժիշկները:

Եթե փորձենք համեմատական անցկացնել կրծքագեղձի քաղցկեղի հետազոտման հին և նոր մոտեցումների մեջ, ապա կստանանք հետևյալ պատկերը.

Այսպիսով, American Cancer Society—ի կողմից իրականացված խորքային ուսումնասիրության, վերլուծության արդյունքում դուրս բերված ուղեցույցն ասում է, որ շատ կանայք կարող են սկսել տարեկան կրծքագեղձի հետազոտություն անելը 45 տարեկանը լրանալուց հետո: Ուղեցույցում մանրամասնորեն հիմնավորված է նոր մոտեցման ձևավորման հիմքը:

Հարկ է հիշեցնել, որ խոսքը գնում է պրակտիկապես առողջ կանանց մասին, ում մոտ չկա նաև կրծքագեղձի քաղցկեղի գենետիկ ֆոն:

Ա.Ս.