9-ամյա Լորեն Սիմոնսը համալսարանը ավարտելուց հետո հավակնում է դառնալ Օքսֆորդի համալսարանի ամենակրտսեր ուսանողը, գրում է Daily Mail-ը:
Լորան Սիմոնսը, որն ունի 145-ից ոչ պակաս ինտելեկտի գործակից, դեկտեմբերին կավարտի Էյնդհովենի տեխնիկական համալսարանի «էլեկտրատեխնիկա» մասնագիտությամբ ուսուցումը:
«Ես շատ եմ ցանկանում Կալիֆոռնիա գնալ, այնտեղ եղանակը հաճելի է»,- ասում է 9-ամյա Լորեն, որը կիսով չափ հոլանդացի և կիսով չափ բելգիացի է, սակայն բնակվում է Ամստերդամում:
Սակայն Լորենի հայրը պարբերականին հայտնել է, որ իր տղան գուցե հրաժարվի Կալիֆոռնիա գնալու մտադրությունից, եթե Օքսֆորդի համալսարանում ուսանելու հրավեր ստանա:
Նրա խոսքով՝ ԱՄՆ-ի լավագույն համալսարանների դասախոսները մագիստրոսական դասընթացների և նունիսկ դոկտորական կրթության առաջարկներով են հանդես գալիս:
«Ոմանք ոչ պաշտոնական տեսազանգից հետո առաջադրանքներ են տալիս երեխային: Լորենին իրենց կրթական ծրագրերում ներառելու մեծ մրցակցություն է ընթանում: Եթե նա Միացյալ Նահանգներ գնա, մենք նույնպես կգնանք նրա հետ»,- հայտնել է երեխայի 37-ամյա հայրը՝ Ալեքսանդրը և հավելել, որ դիտակրում են նաև Օքսֆորդում և Քեմբրիջում սովորելու հնարավարությունը:
