Ամերիկյան Microsoft ընկերության հիմնադիր Բիլ Գեյթսն ու միլիարդատեր ներդրող Ուորեն Բաֆետը որոշել են հանուն զվարճանքի աշխատել Dairy Queen արագ սննդի կետերից մեկում: Նրանց աշխատանքային օրը տեսանկարահանվել է, ինչից հետո Գեյթսն այն հրապարակել է իր յութուբյան ալիքում:
Դրանից առաջ նրանք այցելել էին Berkshire Hathaway հոլդինգի ղեկավարության ժողովին, որի գլխավոր տնօրենն է Բաֆետը:
Միլիարդատերերը կանգնել են դրամարկղի մոտ, ողջունել այցելուներին և նրանց վաճառել արագ սնունդը:
Արագ սննդի կետի աշխատակիցներից մեկը քննադատաբար է մոտեցել Գեյթսի ու Բաֆետի ջանքերին, սակայն ասել է. «Վատ չէր, ես կընդունեի նրանց աշխատանքի»: