Միացյալ Նահանգների առաջին տիկին Մելանյա Թրամփն ամուսնու՝ նախագահ Դոնալդ Թրամփի հետ ներկա է եղել Սպիտակ տանը Պատմական ընկերակցության անդամների պատվին մատուցված գալա ճաշին, գրում է Daily Mail-ը՝ նկատելով, որ նախկին մոդելն իր էլեգանտ տեսքով հիացրել է ներկաներին:
Առաջին տիկինը հատուկ այս առիթով կրել է Akris բրենդի 5990 դոլար արժողությամբ երկարափեշ անթև զգեստ: Մինչդեռ երկրի ղեկավարը կրել է էլեգանտ սմոքինգ:
Աղբյուրը հավելում է, որ Սպիտակ տան Պատմական ընկերակցությունը 1961թ. Ժաքլին Քենեդիի կողմից հիմնված կազմակերպություն է, որը զբաղվում է հանրության շրջանում ԱՄՆ նախագահի պաշտոնական կեցավայրի վերաբերյալ իրազեկման մակարդակի բարձրացմամբ:
