ArenaNews.am կայքը զրուցել է դերասան Ալեքսանդր Խաչատրյանի հետ, ով հանրությանը հայտնի է մի շարք ներկայացումներից, գեղարվեստական ֆիլմերից և սերիալներից: Մեզ հետ զրույցում նա պատմել է իր գործունեության, նոր գաղափարների և «Գարուն ա» գեղարվեստական ֆիլմի մասին:
-Այժմ գտնվում եք ԱՄՆ-ում՝ ի՞նչ գործունեություն եք ծավալում այս պահին։
-Այժմ գտնվում եմ ԱՄՆ-ում և զբաղվում եմ իմ նոր նախագծով, որը գտնվում է նախապատրաստական փուլում։ Մի խումբ համախոհներով որոնք անտարբեր չեն
մեր երկրի առկա խնդիրներին և ապագա ճակատագրին՝ աշխատում ենք իրականացնել այս նախագիծը։
–Ի՞նչ սպասի հանդիսատեսը Ձեզանից։
-Ջերմ, հուզիչ, և հատկապես այսօրվա հետհեղափոխական շրջանի համար կարևոր գաղափարախոսական ֆիլմ։
-Կպատմեք ֆիլմի մասին և ինչպե՞ս առաջացավ գաղափարը։
-Արցախյան պատերազմի մասին ֆիլմ նկարելու գաղափարը վաղուց կար, քանի որ կար և կա պահանջը այն ինչ-որ ձևով լուսաբանելու և ներկայացնելու հասարակությանը։ Մեր զրույցներն ու մտորումները սցենարիստ Հարություն Ղուկասյանի հետ արդեն էսքիզների տեսքով դրվում էին թխտի վրա, բայց ինչպես ասում են շաբաթը ուրբաթից շուտ եկավ։ Եղավ քառորյա պատերազմը, որը միավորեց և ոտքի հանեց ամբողջ ազգը աշխարհի բոլոր ծայրերում՝ մեծից փոքր։ Այն ինչ կատարվեց փոխեց մեզ ու մեր ֆիլմի ուղղությունը և գաղափարախոսությունը։ Եվ գրվեց նոր սցենար։ Ֆիլմը մեր և մեր հայրենասիրության տարբեր դրսևորումների մասին է, պետություն և պետականություն կառուցելու մասին է։
Ֆիլմը մի ընտանիքի պատմություն է՝ երեք սերունդ – պապ, որդի և թոռ՝ իրենց յուրովի մտածելակերպով, փիլիսոփայությամբ, և վերաբերմունքով մեր իրականությանը։ Ֆիլմը մեր բանակի, սպայության, ազգային առժանապատվության, մոռացված հոգևոր արժեքների մասին է և վերջապես մեր երեխաների՝ զինվորների մասին է, ովքեր իրենց մարմնով և անկոտրուն ոգով հերոսաբար պաշտպանեցին մեր հայրենիքը։
-Վերջին քաղաքական զարգացումները որևէ կապ ունե՞ն հենց հիմա Ձեր հայրենասիրական ֆիլմ նկարելու գաղափարի հետ։
-Մեր սցենարը գրվել էր հեղափոխությունից շատ առաջ և եթե այն հրապարկված լիներ ես կմտածեի, որ այն ազդեցություն է ունեցել այդ իրադարձությունների վրա։
-Ի՞նչ ֆինասավորմամբ եք նկարելու ֆիլմը։
-Շատ կարևոր հարց։ Այն նկարվելու է հովանավորների և գործընկերների, ինչպես նաև համախոհների ներդրումով, որոնց համար կարևոր է պահպանել և փոխանցել մեր ապագա սերնդին մեր ազգային և հոգևոր արժեքները։
ՀԳ. «Գարուն ա» Ֆիլմն այս պահին նախապատրաստական փուլում է:
Աղբյուրը՝ arenanews.am