Երևանում վայրէջք է կատարել Բեյրութից ժամանած լիբանանյան Middle East Airlines ավիաընկերության օդանավը, որը Հայաստան է տեղափոխել ՀՀ քաղաքացիների:
Այդ մասին գրում է «Հետք»-ը՝ հիշեցնելով, որ այս չվերթի մասին դեռ ապրիլի 27-ին հայտարարել էր Լիբանանում ՀՀ դեսպանությունը:
Ինքնաթիռը պատրաստվում է հետադարձ չվերթի, որով Լիբանան կվերադառնան այդ երկրի քաղաքացիները:
Ինչ վերաբերում է Երևան ժամանածներին, նրանք ենթարկվելու են 14-օրյա պարտադիր կարանտինային ռեժիմի:
ԱԳ նախարար Զոհրաբ Մնացականյանը ԱԺ-ում հայտարարել է, որ Բեյրութից տեղափոխվածների թիվը 20-ն է:
