Տուրիստական ընկերությունը դեպի Եգիպտոս կեղծ ավիատոմսեր է վաճառել

Հայաստանում մի քանի տասնյակ քաղաքացիներ տուժել են Հայաստանից դեպի Եգիպտոս կեղծ ավիատոմսերի վաճառքից։  Տոմսի համար վճարած ՀՀ քաղաքացիներն օդանավակայանում պարզել են, որ իրենց   համար ինքնաթիռում տեղ ամրագրված չէ։

Գլխավոր դատախազության հանրային կապերի բաժնի պետ Արևիկ Խաչատրյանը NEWS.am–ին հայտնեց, որ «Անռիվա տուր» ընկերությունը հաղորդում է ներկայացրել գլխավոր դատախազություն այն մասին, որ Հայաստանում գործող տուրիստական ընկերություններից մեկը վաճառել է կեղծ ավիատոմսեր։