Տղամարդը, ըստ հիվանդանոցից ստացած հաղորդման, ձախ ճակատային շրջանի փափուկ հյուսվածքների սալջարդ է ունեցել։
Ոստիկանությունը «Էրեբունի» բժշկական կենտրոնից հաղորդում է ստացել, որ Աբովյան-Թումանյան փողոցների խաչմերուկից վնասվածքներով հիվանդանոց է տեղափոխվել 1956–ին ծնված մի տղամարդ։ Այս մասին Sputnik Արմենիային տեղեկացրին ոստիկանության լրատվության բաժնից։
Ահազանգը ստացվել է երեկ` ժամը 17։40-ի սահմաններում։
«Տղամարդը, ըստ հիվանդանոցից ստացած հաղորդման, ձախ ճակատային շրջանի փափուկ հյուսվածքների սալջարդ է ունեցել»,–հայտնեցին ոստիկանությունից։
Դեպքի հետ կապված նյութեր են նախապատրաստվում։
Ըստ Shamshyan.com–ի` տղամարդը հայտնել է, որ իրեն ծեծել են ԱԺ պատգամավոր, ըմբշամարտիկ Արսեն Ջուլֆալակյանն ու նրա հայրը` Լևոն Ջուլֆալակյանը։