Որ երես չառնեն. Հայաստանի հարկային ծառայությունն այլևս «կոնֆետ չի բաժանի»

Վերջին օրինագծի համաձայն` ավտոմեքենաների և տների վաճառքի հարկի չվճարման համար նախատեսված տուգանքները քաղաքացիներին ներվել են։ Սակայն սրանով ուզում են սահմանափակվել, այլապես կսովորեն չվճարել` մտավախություն ունեն հարկայինում։

ՀՀ կառավարությունն այլևս հարկային համաներումներ չի ցանկանում առաջարկել, հայտնեց ՀՀ պետեկամուտների կոմիտեի նախագահ Դավիթ Անանյանը։

ԱԺ–ն այսօր ընդունեց Հարկային օրենսգրքում փոփոխություններ կատարելու մասին նախագիծը։ Մասնավորապես, քաղաքացիներին կներվեն ավտոմեքենաների և անշարժ գույքի վաճառքի ԱԱՀ–ի ուշացման (մինչև 2018 թվականը) տուգանքները և եկամտահարկը (2018 թվականից հետո)։ Ֆիզանձինք (այսինքն` ոչ բիզնեսը) պետք է վճարեն, եթե մեկ տարվա ընթացքում մեկից ավելի տներ, բնակարան կամ ավտոմեքենա են վաճառում. նման վաճառքը հաճախակի է համարվում, իսկ դա կոմերցիոն բնույթ է կրում։

Քաղաքացիներից շատերն այդ հարկերը չեն վճարել, և վերջին տարիների ընթացքում նրանց վրա տուգանքներ են կուտակվել։ Վերջին փոփոխությունների համաձայն` այդ տուգանքները քաղաքացիներին ներվել են։ Սակայն միայն ուշացումների համար կուտակված տուգանքները, իսկ հարկերը պետք է վճարվեն։

Այնուամենայնիվ, նույնիսկ նման համաներումը պետք չէ սովորույթի վերածել, ավելացրեց Անանյանը։

«Այլապես մարդիկ կարող են մտածել. «Հիանալի է։ Այդ դեպքում հարկը հիմա չեմ վճարի, կսպասեմ մեկ կամ երկու տարի։ Տուգանքները թող կուտակվեն, չէ՞ որ դրանք ներվում են»։ Իսկ մենք չենք ուզում, որ այդպես մտածեն, և բարեխիղճ հարկ վճարողները տուժվեն», – ավելացրեց Անանյանը։

Այս անգամ համաներում են հայտարարել, որպեսզի հարկայինը ստիպված չլինի «բակերով ընկնել» և փնտրել ավտոմեքենա վաճառողներին (առավել ևս, որ շատերի համար իսկապես շատ ծանր է նման հարկեր վճարելը)։ Սակայն մոտ ժամանակներս համաներում նախատեսված չէ ո՛չ եկամտահարկի, ո՛չ էլ հարկերի այլ տեսակների համար, եզրափակեց նա։

Աղբյուրը՝ armeniasputnik.am/