Կիպրոսի Հանրապետության Ներկայացուցիչների պալատի նախագահի խոսքով` իրենց երկրում ուզում են Հայաստանը տեսնել ուժեղ, հարուստ պատմությամբ, մշակույթով ու քաղաքակրթությամբ երկիր։
Հայաստանում տեղի ունեցած թավշյա հեղափոխությունը Հայաստանի ու Կիպրոսի հարաբերությունների վրա չի ազդի: Այսօր Հայաստանում ԱԺ նախագահի հետ հանդիպումից հետ լրագրողների հետ ճեպազրույցում ասաց Կիպրոսի Հանրապետության Ներկայացուցիչների պալատի նախագահ Դեմետրիս Սիլուրիսը:
«Հայաստանը մեզ համար մեկն է: Մենք այլ մոտեցումներ ունենք Հայաստանի Հանրապետության հետ համագործակցության հարցում, և մենք որևէ կուսակցական մոտեցում չունենք»,- ասաց Կիպրոսի խորհրդարանի ղեկավարը՝ հավելելով, որ իրենց երկրում ուզում են Հայաստանը տեսնել ուժեղ, հարուստ պատմությամբ, մշակույթով ու քաղաքակրթությամբ երկիր:
ՀՀ ԱԺ նախագահ Արա Բաբլոյանն էլ ներկայացնելով երկկողմ խորհրդարանական համագործակցության ծրագրերը, նշեց, որ նախատեսվում է ստեղծել ՀՀ-Կիպրոս-Հունաստան եռակողմ հանձնաժողով:
Միջազգային կառույցներում ներկայացնել ԼՂ և Կիպրոսի հիմնահարցերը:
«Հայաստանն ու Կիպրոսը միջազգային հարթակներում մշտապես սատարել են միմյանց դիրքորոշումները Լեռնային Ղարաբաղի և Կիպրոսի խնդիրների հարցերում»,- ասաց Բաբլոյանը:
Դեմետրիս Սիլուրիսն ԱԺ-ից շտապեց ՀՀ նախագահի հետ հանդիպման։
Աղբյուրը՝ armeniasputnik.am
