Միջազգային Օլիմպիական Կոմիտեն պաշտոնապես ճանաչել է Լոս Անջելեսի թեկնածությունը 2024թ. Օլիմպիական խաղերը հյուրընկալելու համար

Միջազգային Օլիմպիական Կոմիտեն /հետայսու` ՄՕԿ/  այսօր հայտարարել է, որ ստեղծված է 2024թ.Օլիմպիական Խաղերը կազմակերպելու համար հայտ ներկայացրած քաղաքների ուժեղ մրցակցային դաշտ:

Հիշեցնենք, որ դեռևս օգոստոս ամսին ՄՕԿ-ին հայտ էր ներկայացրել նաև Լոս Անջելեսը:

Ինչպես և սպասվում էր, Լոս Անջելեսը ճանաչվեց Միացյալ Նահանգների կողմից ներկայացված վերջնական մրցութային քաղաք:

Այսօր ՄՕԿ-ը ներկայացրել է հավանական մրցակից թեկնածու քաղաքների ցանկը: Եվ այսպես 5 քաղաքներն են` Բուդապեշտ /Հունգարիա/, Համբուրգ /Գերմանիա/, Լոս Անջելես /ԱՄՆ/,  Փարիզ /Ֆրանսիա/ և Հռոմ /Իտալիա/: Այս 5 քաղաքները կմրցեն, թե ով է հյուրընկալելու 2024թ. Օլիմպիական Խաղերը:

Մրցույթն անց է կացվելու ըստ նախապես տրված հայտարարագրերի, որի վերջնաժամկետը երեկ կեսգիշերն էր:

Ի սկզբանե Լոս Անջելեսը զիջում էր Բոստոնին` 2024թ. Ամառային Օլիմպիական Խաղերում ԱՄՆ-ի  ջահը կրելու համար, սակայն հետո առաջատար քաղաքը դուրս է եկել մրցակցությունից այն բանից հետո, երբ տեղական  հարկ վճարողները կշտամբել են` հաշվի առնելով պոտենցիալ ծախսերը:

Սեպտեմբերի 1-ին ՄՕկ-ը պաշտոնապես հայտարարել է,  որ Լոս Անջելեսը կլինի ԱՄՆ կողմից հյուրընկալող հավանական թեկնածու քաղաքը:

Խաղերը մոտավորապես արժենալու են $ 4 միլիարդ, սակայն քաղաքապետ Էրիկ Գարսետին հայտարարել է, որ Լոս Անջելեսն այնքան հյուրընկալ է, որ քաղաքապետարանը կկարողանա նույնիսկ փոխարենը եկամուտ ապահովել:

Երեկ, երբ ներկայացվել են վերջնական փաստաթղթերը և հայտագիրը, Լոս Անջելես 2024-ի նախագահ Քեսի Ուոսերմանը ասել է.

“Օլիմպիական խաղերը մեր քաղաքի “երակներում” են, որովհետև մենք ամեն օր վերապրում ենք 1932-ի և 1984-ի խաղերի դրական հուշերը: Լոս Անջելեսը համագործակցել է Օլիմպիական շարժման հետ համատեղ պատմության վճռորոշ պահերի և մենք ցանկանում ենք ևս մեկ անգամ լինել Խաղերի կարևոր դերակատար մոլորակի մարդկության և սպորտի ամենամեծ տոնակատարության ժամանակ”:

Հաղթողը կհայտարարվի մյուս տարի` ՄՕԿ-ի 130-րդ նստաշրջանի ժամանակ` Պերուի Լիմա քաղաքում:

Ա.Ս.