Կալիֆորնիայի Արդարադատության Նախարարությունը ներկայացնում է նահանգի կողմից կառավարվող մի կայք, որը իրավապահ մարմինների` հանրության հետ հարաբերվելու մասին համապատասխան տեղեկություններ է տրամադրելու:
Գլխավոր դատախազ Քամալա Հարրիսի գրասենյակից այսօր հայտարարել են, որ տեղեկատվական այդ բազան ամիսներ շարունակ տևած քրտնաջան աշխատանքի արդյունք է, որն ուղղված է բարելավելու կառավարության հաշվետվողականությունը և աշխատանքների թափանցիկությունը: Հիմնախնդիրը հասունացել է այն բանից հետո, երբ իրավապահ մարմինների և հանրության հարաբերակցումը վերաճել է ազգային երկխոսության ոստիկանության գործելակերպի վերջին մեկ տարվա ընթացքում:
Պաշտոնյաներն ասում են, որ որևէ այլ նախարարություն/կառույց այդպիսի ջանքեր չի գործադրում և հույս են հայտնում, որ մյուս պետություններն էլ կհետևեն այս օրինակին:
Կայքի “Բաց արդարադատություն” բաժինն իր մեջ ներառում է 3 ենթաբաժին`
Օրինապահ մարմինները սպանել են կամ հարձակում են գործել իրենց պարտականություները կատարելու շրջանակներում
Տեղեկատվություն ազատազրկման վայրերում մահացությունների մասին` ներառյալ ձերբակալման ժամանակ տեղի ունեցած մահվան դեպքերը
Ձերբակալություններ
Պետական պաշտոնյաները պնդում են, որ այս բաժինը հետագայում կընդլայնվի` ներառելով այլ տեղեկատվական ենթաբաժիններ:
Այստեղ ներառվում են նաև պետության և Բերկլիում Կալիֆորնիայի համալսարանի պրոֆեսորների կողմից պարբերաբար իրականացվող թվերի/քանակական տվյալների համառոտ վերլուծություններ:
Ահա որոշ եզրակացություններ այդ վերլուծություններից`
Կալիֆորնիայի ոստիկանական կառույցները հաղորդել են 345 իրավապահի մահ 1980-2014թթ ընկած ժամանակահատվածում, ընդ որում տարեկան գրանցվել է միջինը 10 իրավապահի մահ:
2005-2014 թթ հաղորդվել է 6837 մահ ազատազրկման վայրերում, կամ միջինը մոտավորապես 685 մահ տարեկան կտրվածքով:
2005-2014թթ գրանցված ձերբակալման հետ կապված 1202 դեպքերի 76 տոկոսի դեպքում մարդիկ սպանվել են իրավապահ մարմինների կողմից. զոհերի միջին տարիքը կազմում էր 34 տարեկան:
Վերջին 30 տարիների ընթացքում գույքի կամ բռնի հանցագործությունների զեկուցման թիվը նվազել է կիսով չափ:
Ձերբակալությունների թիվը գագաթնակետին է հասել 1989 թ.-ին:
Տղամարդկանց ձերբակալվելու հավանականությունը 3,5 անգամ ավելին է, քան կանանցը:
Դատախազի գրասենյակը կապ է հաստատել նաև Ստանֆորդի համալսարանի, Իրվինում, Լոս Անջելեսում գտնվող Կալիֆորնիայի համալսարանների, ինչպես նաև Հարավային Կալիֆորնիայի համալսարանի հետ, որպեսզի վերջիններս իրենց քրեական արդարադատություն և իրավունք առարկաներ դասավանող պրոֆեսորների, ինչպես նաև տեղեկատվական բաժինների գիտնականների հետ համատեղ վերլուծություններ կատարեն և տեղեկատվություն տրամադրեն` ոստիկանության հետագա աշխատանքները բարելավելու համար:
Հարրիսն իր գործունեությամբ հանդես է գալիս ի պաշտպանություն պետական այն օրինագծի, որը պահանջում է իրավապահներից պետությանը զեկուցել բոլոր այն դեպքերի մասին, երբ հանրության նկատմամբ ուժ է կիրառվում:
Պաշտոնյաները պնդում են, որ իրենց տրամադրված տեղեկատվությունը կդառնա օն լայն հանրությանը փոխանցվող լուրերի մի մասը:
Ա.Ս.
Աղբյուրը` www.nbclosangeles.com