Բրիտանական Jaguar մեքենաշինական ընկերությունը Նյու Յորքում ընթացող միջազգային ավտոշոուի շրջանակում ներկայացրել է F-Pace արտաճանապարհային մոդելի նոր տարբերակը, որը, ըստ բնութագրի, համարվում է աշխարհում ամենաարագընթաց արտաճանապարհային մեքենաներից մեկը:
Ինչպես նշում է Luxury Launches կայքը, նորույթը ստացել է F-Pace SVR անվանումը:
Ինչ վերաբերում է դրա տեխնիկական բնութագրին, ապա մեքենան համալրված է 5լ աշխատանքային ծավալով, 550 ձիաուժ հզորությամբ V8 շարժիչով, որը 0-100 կմ/ժ արագություն է զարգացնում 4.1 վայրկյանում: Մինչդեռ մեքենայի զարգացրած առավելագույն արագությունը 283 կմ/ժ է:
Նշվում է, որ մեքենան վաճառքում կհայտնվի ամռանը՝ 79.990 դոլար արժեքով:
Աղբյուրը՝ tert.am